اكو بعض الكلمات و الاسئلة تطلع منا تلقائيا و ما نحس بيها لكن تكون ترفع عداد الضغط
مثلا
7
7
7
أنت بغرفتك متمدد بالفراش ومطفي الضوا ومتلحف بالبطانيه >>> أحيه يالبرد . . .
يجي أحد أخوانك ويفتح الباب عليك ويقول :- شنو تنام ! ! !
(( لا أريد ارقص ,, أكيد أرد انام ))
***********
أنتوا معزومين عند ناس ورحتوا لبيتهم وأول ما فتحوا الباب الكم , قال ابنهم:- " جيتــوا العزيمـه "
(( لا رحنـــا ,, أكيد جينا وأنت شتشوف ))
************
انت لابس و مكشخ و راش عطر و شلون عبالك جون ترافولتا وايدك عالباب دا تطلع
يجي أحد من أهلك ويصيح بصوت عالي >>> تريد تطلع ! ! !
((لا أريد ادخل ,, أيه أريد اطلع ))
***********
انت جاي من برا البيت و شلون الدنيا موت نار برا ما شايف كدامك شي من التعب ودخلت يجي احد من اهل البيت يكولك هااا اجيت!!!!!
عااااااااا شايف لعد دا اطلع.......
***********
مثلا لازم سماعه التلفون و تضغط بالأرقام يجي أحد من أهلك ويقولك :-تحجي تلفون ! ! !
((لا دا اتصور وية التلفون كم صورة تذكاريه , , أكيد دا احجي ))
************
مثلا :- لازم بيدك دفترك أو كتاب وقاعد تحفظ ومتحمس . . يجي أحد ويكولك :- شدا تسوي تدرس ! ! !
(( لا أفرش اسناني , , , أيه دا ادرس ))
***********
أو مثلا دا تسبح بالمسبح يجي واحد من أصدقائك يمر عليك ويقول :- فلان تسبح ! ! !
(( لا أتروش . . . اللي يسمعك ما تشوف أيه أسبح ))
************
ولا تعالــو شوفو قنواتنا وأسئلتهم البديهيه البايخه . . , ,
برنامج أهداءات يتصل واحد يطلب أغنيه ؟
ترد عليه المذيعه بكل سخافه :- أنت بتحب هذه الأغنيّة ! ! !
(( لا ما أحبها بس طالبها أستهبل , , إيه أحبها ليش لعد مخابر ))
***********
أو مثلا بالعيد جايـيـن يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :-شتكول لأهلك بالعيد ؟ ! ! !
المواطن :- أكولهم كل عام وأنتم بخير . .
(( أكيد يكول هالعباره , لعد شيكول بهيج مناسبة ))
والأسخف من هالبديهيات اللي تضيع وقتنا إذا قابلو مع الاطفال , , ,
يقول المذيع للطفل :- أنت تحب ماما وبابا ! ! !
(( أيه يحبهم لعد يكول لا ))
المذيع :-شتسوي بالعيد أكيد تروح لأهلك تسلم عليهم وتقولهم ايامكم سعيدة! ! !
(( لا أروح أكفخهم واتعارك وياهم , , , أكيد أعايدهم ))
*************
واحد شاايل جنطته ومتجه عند بوابه المطار ويشووفه صديق با الصدفه هلا والله شلونك اخبارك شدا تسووي هنا بالمطار
(( والله جاي اشتري طماطة و خيار ارد اسوي زلاطة ... اكيد اني مسافر ))
و الكثير من الاسئلة صح هي عفوية بس هم الواحد ما يتحمل
وانشاءالله تعجبكم عود هم انتوا انطوني كم من شي يرفع ضغطكم و منكم نستفيد
__________________
تحياتي لكم : دلوعة بغداد